Բաժանորդագրվեք Zarkerak.am-ի տելեգրամ ալիքին։
Ֆրանսիայում գնողունակության անկման դեմ բողոքի ցույցերի ընթացքում ոստիկանությունը ձերբակալել է 296 մարդու։ Այս մասին հայտնում է AFP գործակալությունը՝ վկայակոչելով երկրի ներքին գործերի նախարարության տվյալները։
Գերատեսչության հաղորդմամբ՝ համաձայնեցված երթերն անցել են առանց միջադեպերի։ Սակայն մի շարք քաղաքներում, այդ թվում՝ Բորդոյում, Թուլուզում, Ռենում, Լիլում, Նանտում, Մարսելում և Լիոնում, արմատական տրամադրված անձինք երթերի ավարտից հետո փորձել են ներթափանցել կենտրոնական թաղամասեր՝ վանդալիզմի և թալանի գործողություններ իրականացնելու նպատակով։
Ինչպես հաղորդում է ՏԱՍՍ-ը, Փարիզում ոստիկանությունն արցունքաբեր գազ և լուսաձայնային նռնակներ է կիրառել ագրեսիվ ցուցարարներին ցրելու համար։ Նրանք քարեր և շշեր են նետել իրավապահների ուղղությամբ։
Հոկտեմբերի 31-ի ցույցերը հոկտեմբերի 17-ին և 24-ին անցկացված զանգվածային բողոքի ակցիաների շարունակությունն էին։ Նախորդ ցույցերն էլ Ֆրանսիայի մի շարք քաղաքներում ուղեկցվել էին ոստիկանության հետ բախումներով, ջարդերով և խանութների թալանով։
