Բաժանորդագրվեք Zarkerak.am-ի տելեգրամ ալիքին։
COP17-ի շրջանակում ՀՀ ֆինանսների նախարար Վահե Հովհաննիսյանն ընդունել է Կորուստների և վնասների արձագանքման հիմնադրամի (FRLD) գործադիր տնօրեն Իբրահիմա Շեյխ Դիոնգին։ Այս մասին տեղեկացնում են ՀՀ ֆինանսների նախարարությունից:
Քննարկման առանցքում Հայաստանի ներկայացրած առաջին ֆինանսավորման հայտն էր, որով նախատեսվում է շուրջ 6,8 մլն ԱՄՆ դոլարի աջակցություն ներգրավել 2024 թվականի ջրհեղեղներից տուժած Լոռու և Տավուշի համայնքների վերականգնման համար։
Ծրագիրը նախատեսում է ենթակառուցվածքների և գետամերձ էկոհամակարգերի վերականգնում, բնակչությանն աջակցություն և համայնքների դիմակայունության բարձրացում։
Կողմերն անդրադարձել են նաև կլիմայական մարտահրավերներին դիմակայելու համար միջազգային ֆինանսավորման նոր հնարավորություններին։
