Բաժանորդագրվեք Zarkerak.am-ի տելեգրամ ալիքին։
Ուզում եմ ձեր ուշադրությունը հրավիրել այն փաստի վրա, որ ՀԱՊԿ-ը որևէ գործնական նշանակություն չունի Հայաստանի անվտանգության պաշտպանության հարցում: Այս մասին ԱԺ-ի ելույթի ժամանակ հայտարարեց «Քաղաքացիական պայմանագիր» խմբակցության պատգամավոր Արման Եղոյանը՝ անդրադառնալով «Ուժեղ Հայաստան» խմբակցության ղեկավար Նարեկ Կարապետյանի այն հարցադրմանը, թե ինչ անվտանգային համակարգով էՀայաստանը փոխարինելու ՀԱՊԿ-ին:
«Ժամանակն է այս հնացած հարցը այլևս չտալ, մանավանդ, որ Ռուսաստանի նախագահը վերջերս վերահստատեց, թե ինչ է տեղի ունեցել 2022 թվականին: Եվս մեկ անգամ ասաց, որ մենք չգիտեինք՝ որտեղ է սահմանը, դեմարկացված չէր, դելիմիտացված չէր, ինչ կարող էինք անել: Այս ոճի մեջ: Այն ինչ ՀԱՊԿ կանոնադրության մեջ գրված չէ, որ ՀԱՊԿ-ը պաշտպանում է իր անդամ պետությունների դեմարկացված ու դելիմիտացված սահմանները, այլ գրված է, որ պաշտպանում է նրանց հարձակման դեպքում»,-ասաց Եղոյանը:
